புலவர் இராசு அவர்கள்



புலவர் இராசு அவர்கள் 2-1-38 இல் வெள்ளமுத்துக் கவுண்டன் வலசு (பெருந்துறை வட்டம், ஈரோடு மாவட்டம்) என்னும் ஊரில் பிறந்தவர். பெற்றோர் ந.சென்னியப்பன், நல்லம்மாள். இவர்தம் மனைவியார் பெயர் கெளரி அம்மாள். மூன்று ஆண்மக்கள் இவருக்கு வாய்த்தனர். கணிப்பொறித்துறையில் இவர்கள் பணிபுரிகின்றனர்.

இவர் தொடக்கக் கல்வியை திருப்பூர் கருவம்பாளையம், தண்ணீர் பந்தல், வள்ளுவர் தொடக்கப்பள்ளியில் பயின்றவர். செங்குந்தர் உயர்நிலைப்பள்ளியில் பயின்றவர். திருப்பனந்தாள் செந்தமிழ்க் கல்லூரியில் வித்துவான் படிப்பபை நிறைவு செய்தவர் (1955 - 59) சென்னைப் பல்கலைக் கழகத்தில் பி.லிட். முதுகலைப் பட்டங்களைப் பெற்றவர். மதுரை காமராசர் பல்கலைக்கழகத்தில் கொங்கு நாட்டு வரலாற்றில் சமண சமயம் என்னும் தலைப்பில் ஆய்வு செய்து முனைவர் பட்டம் பெற்றவர்.

ஈரோட்டில் தமிழாசிரியர் பணியைத் தொடங்கி (1959), 1980 - 82 இல் தமிழ்நாடு அரசு தொல்லியல துறையில் பணிபுரிந்தார். பிறகு தஞ்சாவூர் தமிழ்ப் பல்கலைக் கழகத்தில் விரிவுரையாளராக 1982 இல் இணைந்து கல்வெட்டு, தொல்லியல் துறையில் துறைத் தலைமைப் பொறுப்பை ஏற்றுத் திறம்பட ஆய்வுப் பணியை மேற்கொண்டிருந்தார்.

1959
இல் தமிழாசிரியர் பணியேற்றது முதல் கடந்த ஐம்பது ஆண்டுகளாகக் கல்வெட்டு, செப்பேடு, ஓலைப் பட்டயம், ஓலைச் சுவடி, இலக்கியம் தொடர்பான ஆய்வுகளை மேற்கொண்டு வருகிறார. பெரும்புலவர் தெய்வசிகாமணிக் கவுண்டரிடம் சுவடிப்பயிற்சி, பேராசிரியர் கா.. வேங்கடராமையாவிடம் கல்வெட்டுப் பயிற்சி, தொல்லியல் துறையின் மேனாள் இயக்குநர் இரா. நாகசாமியிடம் தொல்லியல் பயிற்சியும் பெற்று, தொடர்ந்து களப்பணிகள் வழியாகத் தன் பட்டறிவை வளர்த்துக் கொண்டார்.

இவர் அடிப்படையில் தமிழ்ப்புலமை பெற்றவர் ஆதலால் தமிழ் ஆவணங்களைப் பிழையின்றி, பொருள் உணர்ச்சியுடன் படிப்பதில் வல்லவர். கல்வெட்டு, செப்பேடு, சுவடி பற்றிய தகவல் கிடைத்தவுடன் விரைநது சென்று அவைகளை ஆய்வு செய்து செய்திகளாகவும், கட்டுரைகளாகவும், நூல்களாவும் வெளி உலகிற்கு வழங்குவதில் வலலவர். இவ்வகையில் இவர் வெளியிட்ட நூல்கள் நூற்றுக்கு மேல் அமைகின்றன. கட்டுரைகள் 250 அளவில் வெளிவந்துள்ளன. செய்திகள் 100 க்கு மேல் வந்துள்ளன.

1800
ஆண்டுகளுக்கு முற்பட்ட அறச்சலூர் இசைக் கல்வெட்டைக் கண்டுபிடித்து உலகிற்கு வெளிப்படுத்தியர். இந்தியாவில் இதுவே முதலாவது இசைக் கல்வெட்டாம்.

சங்ககாலத்தில் கொடுமணம் (இன்றைய கொடுமணல) ஊரைக் கண்டறிந்து அகழ்வாய்வு செய்து உரோமானியர்களுடன் தொடர்புடைய நொய்யல் கரை நாகரிகம் வெளிப்படுத்தியது இவர் கண்டுபிடிப்புகளுள் மற்றுமொரு குறிப்பிடத்தகுந்த பணியாகும். தென்னிந்தியாவில் மிக அரிதான பாடலுடன் கூடிய பழமங்கலம் நடுகல் கண்டறிந்தமையும் குறிப்பிடத் தக்க பணியாகும்.

சித்தோட்டுக்கு அருகில் குட்டுவன் சேய் பிராமி கல்வெட்டைப் படித்து அறிவித்த இவர்தம் பணி குறிப்பிடத்தக்கது. சென்னையிலிருந்து பூனா செல்லவிருந்த தஞ்சை மராட்டியர்களின் மோடி (மோடி என்பது மராட்டிய மொழியின் சுருக்கெழுத்தாகும்) ஆவணங்களைத் தமிழ்ப் பல்கலைக் கழகத்திற்குக் கொண்டு வந்த முயற்சியும் இவருடையது ஆகும்.

தமிழ்ப் பல்கலைக் கழகத்தின் முதல் நூலாக இவருடைய நூல் வெளியிடப்பட்டது.

புலவர் செ. இராசு அவர்கள் பதிப்பித்த சுவடிப் பதிப்புகள்
1.
கொங்கு மண்டல சதகம் 1963
2.
மேழி விளக்கம் 1970
3.
மல்லைக் கோவை 1971
4.
பூர்வச் சக்கரவரத்தி நாடகம் 1978
5.
கொடுமணல் இலக்கியங்கள் 1981
6.
பூந்துறைப் புராணம் 1990
7.
மரபாளர் உற்பத்திக் கும்மி 1995
8.
மங்கல வாழ்த்து 1995
9.
ஏரெழுபது 1995
10.
திருக்கை வழக்கம் 1995
11.
கம்பர் வாழி 1995
12.
ஞானமாலை 1997
13.
புயல் காத்துப் பாட்டும் பஞ்சக் கும்மியும் 1997
14.
கல்வியொழுக்கம் 1998
15.
திங்ளூர் நொண்டி 1998
16.
நீதியொழுக்கம் 2002
17.
பஞ்சக்கும்மிகள் 5

தமிழ்ப் பல்கலைக் கழக வெளியீடுகள்

1.
தஞ்சை மராட்டியர் செப்பேடுகள் 1983
2.
தஞ்சை மராட்டியர் கல்வெட்டுகள் 1987
3.
கொங்கு நாட்டுச் சமுதாய ஆவணங்கள் 1991
4.
சேதுபதி செப்பேடுகள் 1994
5.
சோழமண்டல சதகம் 1994
6.
கல்வெட்டியலும், வரலாறும் 2001
7.
தொண்டைமான் செப்பேடுகள் 2004

வட்டார ஊர் வரலாற்று நூல்கள்

1.
எங்கள் பவானி 1967
2.
தங்கம்மன் திருக்கோயில் வரலாறு 1981
3.
வெள்ளோடு சாத்தந்தைகுல வரலாறு 1987
4.
முருங்கத்தொழுவு பெரியகுல வரலாறு 1989
5.
நாகம்பள்ளி காணியாளர் வரலாறு 1989
6.
அனுமன்பள்ளி பண்ணைகுல வேளாளர் வரலாறு 1990
7.
பரஞ்சேர்வழி காணியாளர் குல வரலாறு 1990
8.
தலையநல்லூர்க் கூறைகுல வரலாறு 1990
9.
கொடுமணல் வரலாறு 1991
10.
ஆலம்பாடி பொருள் தந்த குல வரலாறு 1993
11.
கீரனூர்க் காணியாளர் வரலாறு 1993
12.
நசியனூர்க் காணியாளர் வரலாறு 1994
13.
நசியனூர்க் கண்ணகுல வரலாறு 1994
14.
சின்ன அண்ணன்மார் கோயில் வரலாறு 1994
15.
காடையூர் முழுக்காதுகுல வரலாறு 1994
16.
எழுமாத்தூர்ப் பனங்காடர்குல வரலாறு 1995
17.
கொங்கு நாட்டுச் செம்பூத்த குல வரலாறு 1995
18.
காங்கயம் அகத்தீசுவரர் கோயில் வரலாறுே1995
19.
ஆனங்கூர்க் காணியாளர் வரலாறு 1997
20.
கண்ணபுரம் செங்கண்ணர்குல வரலாறு 1997
21.
ஊத்துக்குளி கதித்தமலை வரலாறு 1997
22.
திண்டல் மலை வரலாறு 1997
23.
அத்திப்பாளையம் செம்பூத்தகுல வரலாறு 1998
24.
கொத்தனூர்க் குழாயகுல வரலாறு 1998
25.
கத்தாங்கண்ணி வெண்டுவகுல வரலாறு 1998
26.
பொன் ஆரியூர் வரலாறு 1998
27.
கொங்கூர் வெண்டுவகுல வரலாறு 1999
28.
குமாரமங்கலம் தூரகுல வரலாறு 1999
29.
நல்லூர் வரலாறு 2000
30.
நீலாம்பூர் வரலாறு
31.
புத்தரச்சல் குழாயகுல வரலாறு 2000
32.
சிவன்மலை வரலாறு 2000
33.
முத்தூர் வரலாறு
34.
அமுக்கயம் பொருள் தந்தகுல் வரலாறு 2001
35.
கொங்கலம்மன் கோயில் வரலாறு 2001
36.
ஆயப்பரப்பு வரலாறு 2001
37.
பிடாரியூர் வரலாறு 2001
38.
நல்லூர் பனங்காடர் குல வரலாறு.
39.
கீழாம்பாடி கண்ணன் குல வரலாறு 2001
40.
கொல்லன் கோயில் வரலாறு 2002
41.
தாராபுரம் வரலாறு 2004
42.
வள்ளியறச்சல் வரலாறு 2005
43.
கோலாரம் வரலாறு 2005
44.
கொளிஞ்சிப்பட்டி பண்ணைகுல வரலாறு 2005
45.
மேல் ஒரத்தை வரலாறு 2005
46.
மறவ பாளையும் வரலாறு 2005
47.
வரலாற்றில் அறச்சலூர் 2006
48.
பருத்திப்பள்ளி செல்லகுல வரலாறு 2006
49.
வெள்ளோடு காணியாளர் வரலாறு 2007
50.
பொங்கலூர் பொன்ன குல வரலாறு 2007
51.
ஈங்கூர் ஈஞ்சகுல வரலாறு 2008
52.
தோளூர் காணியாளர் வரலாறு 2008

பிற குறிப்பிடத்தகுந்த நூல்கள்

1.
கொங்கு குல மகளிர் 2008
2.
ஈரோடு மாவட்ட வரலாறு 2008
3.
காளிங்கராயன் கால்வாய் 2007
4.
ஈரோடு மாவட்டக் கல்வெட்டுகள் (தொகுதி 1) 2007
5.
கொங்கு வேளாளர் கல்வெட்டும் காணிப்பாடல்களும் 2007
6.
கொங்கு வேளாளர் செப்பேடு, பட்டயங்கள் 2007
7.
தமிழக இசுலாமிய வரலாற்று ஆவணங்கள் 2007
8.
கொங்கு நாடும் சமணமும் 2005
9.
வெண்டுவன் குல வரலாறு 2005
10.
தொண்டைமான் செப்பேடுகள் 2004
11.
.வே.சா பதிப்புப் பணியும் பன்முக மாட்சியும் 2003
12.
கொங்கு நாட்டு வேளாளர் வரலாறு 2003
13.
காடையூசுவரர் கோயில் பொருளந்தை முழுக்காது குல வரலாறு 2002
14.
திருப்பனந்தாள் காசிமடத்துச் செப்பேடுகள்1999
15.
ஆரியூர் வெண்டுவன்குல வரலாறு 1998
16.
கொத்தனூர்க் காணியாளர், குழாயர்குல வரலாறு 1998
17.
வரலாற்றுக் கலம்பகம் 1998
18.
விதரி அத்திப்பாளையம் செம்பூத்த குல வரலாறு 1998
19.
ஆனங்கூர் கரிய காளியம்மன் கோயில் காணியாளர்கள் வரலாறு 1997
20.
ஊத்துக்குழி கதித்தமலை வரலாறு 1997
21.
கச்சத் தீவு 1997
22.
கூனம்பட்டி மாணிக்கவாசகர் திருமடாலய வரலாறு 1994
23.
நெஞ்சை அள்ளும் தஞ்சை 1994
24.
பூந்துறைப் புராணம் 1994
25.
செந்தமிழ் வேளிர் எம்.ஜி.ஆர் - ஒரு வரலாற்று ஆய்வு 1985
26.
கலைமகள் கலைக்கூடக் கையேடு 1984
27.
கலைமகள் கலைக்கூடம் 1981
28.
நன்னூல் உரை 1980
29.
கண்ணகி கோட்டம் 1976
30.
திருமந்திரம் 100 (1967)
31.
சிவாக்கிர யோகிகள் ஆதின வரலாறு 1959

புலவர் அவர்களின் முகவரி
புலவர் செ. இராசு அவர்கள்., 64/ 5 டி.பி.ி வளாகம்.
புதிய ஆசிரியர் குடியிருப்பு அருகில்
ஈரோடு - 638 011
பேச - (0424) 2262 664
அலைபேசி - 99942 77711

கருத்துரையிடுக

1 கருத்துகள்

  1. இத்தகைய நல்லார் நீடூழி வாழ்க! அவருடைய சேவையைத் தொடர்ந்து செய்யும் ஆற்றல பெற்ற பலர் உருவாகியிருந்தால் மிகவும் நல்லது!

    பதிலளிநீக்கு

தொடர்புக்கு

பெயர்

மின்னஞ்சல் *

செய்தி *

இதுவரை இந்த வலைப்பூவுக்கு வந்து வாசித்தவர்கள்